قورقوت آتا (3)

غوری ـ غوری چای لارا سوی سالدیم،
غارا دونلی درویش لرا وزیرلر بردیم.
آچ گؤرسم، دویردیم، یالانگاچ گؤرسم، دون ادتدیم،
دپه کیبی ات ییغدیم، کؤل کیبی قیمیز ساقدیم.

دیله گ ایله بیر اوغل ـ گویچ ایله بولدیم،
یالنگیز اوغل خابارین، دئرسه خان دیگیل مانگا،
قارشی یاتان آلا داغدن بیر اوغل اوچیردینگسا دیگیل مانگا.
غانلی(7) آقان یوریک سودن بیر اوغل آقیدینگسا دیگیل مانگا.
غارا دونلی، آزغین دینلی کاویرلره بیر اوغل آلدیردینگسا، دیگیل مانگا.
خان بابامینگ غاشینا من بارایین،
آغیر خازینا، بول لشگر آلایین؛
آزغین دینلی کاویرلره من باراییین؛
یارالانیپ، غازلیق آتیمدن اینمی یانچا(م)،
ینگیم بیله آلجا غانیم سلمایانچا(م)،
قول، بوت اولیپ یر اوستینا دوشمه یانچا(م)،
یالنگیز اوغل یولریندان دونمه نم،
یالنگیز اوغل خابارین، دئرسه خان، دیگیل مانگا.
قارا باشیم قوربان اولسین بو گون سانگا! ــ

دییپ، زارینلاپ آغلادی.
دئرسه خان آیالینا جوفاپ برمه دی. شول راقت اول قئرق نامارت آیالینگ یانینا گلیپ:
ــ فایغی اتما، قورقما ، اوغلینگ ساق دییر، اسن دییر، اول آوودا دییر، شو گون نیرادن هم بولسا گلر. بگ سرخوش دییر اول جوغاپ برمز ــ دیدیلر.

دئرسه خانینگ آیالی غاتدی، ایزینا دوندی. اونوینگ گونی اینجالمان، قئرق سانی قیزی یانینا آلیپ، بدو آتا آتلانیپ، اوغلینی ایدامأگا چیقدی. غیش دا ــ غاری اره میان داغا چیقدی، پسدن بییکا چاپیپ چیقدی. بیر درانینگ ایچینا قارقا ــ غوزغون لار اینرــ چیقار، غونار ــ غالقار.

بدو آتین دبساپ، شول تاراپا یویردی. حوا، خانیم، شول یردا ییکلیپدی، قارقالر غان گوریپ، اوغلنینگ اوستینا غونماق ایسله دیلر. اوغلان یان گزلیگی بیلن غورانیپ، قارقالرنی غوندیرمادی.
اوغلانینگ انه سی اوغلانینگ یانینا چاپییپ یتیپ گلدی، اوغلان جیفی آل غانا بولاشیپ یاتیر. اول چیقریپ، اوغلینا:

ایزی یار

ر.اجانلی 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

1 ــ کؤلئنگ ــ تولقون (یوموت شیوه سی)
2 ــ اردملی ــ باسارنیق لی، سالیقاتلی.
3 ــ مینیت ــ قیز چیقاندا آتاسی تاراپیندان برلیان مال ( یوموت شیوه سی)
4 ــ غازی ــ جنگدا اوزینی اوتک گرن، گورکه زن. بویردا هم « کاپ» حارپینیگ آچیق اوقولیش واریانتینی آلیپ. «غازی» سوزیندن بولسا گرک. غازیلیق ــ بیر غازینیگ سورایان یری. شیله بولسا، « غازلیق آت» ـ جنگ (اوروش) اوچون یوریته بسلانن آت مانیسیندا گلیار.
5 ــ یاوار، یاوور ــ کمک چی، اوستینینگ سایاسی( اوغل) مانیسیندا.
6 ــ بولدیم ــ تاپدیم. 7 ــ غانلی ــ غان دیر یان، کؤپ ، بول.