یدی گن لر

هاتار ـ هاتار یدی گن لر
ائنسانی آلله بیلن لر
توپراغا سجده قئلانلار
یدی غونار، یدی گؤچه ر
گیجه لردن دینمان گه چه ر
بارئب شانلی دانگی غوچار
یاغتی گونونگ یولون آچار
سالام سیزه، ای قودراتلار
بلند داغلاردا بورگوت لر
دسسانئنگز یوره ک لرده
مکانئنگز دوری آسمان
ساناسام آرتار سوغابئم
ساناماسام، دأل من ائنسان.
من تایانلارمی گچه یین ساناپ
غونگشی ـ غولام، آتا ـ انه لرینگیزدن
دایی ـ دایزه، ینه ـ ینه لرینگیزدن
غالانلارنی سورانگ ایزئنی کسمأن
عاجایئب یئلدیز دان، دولی دئر آسمان
هانها اول گؤرونیان دؤرت لر
اسن، طوواق، ماغتئم، شیرلی
هانها گورگن یوزی نورلی
اول آی مأت چئن مردلنگ بیری
هانها أنین أرلنگ أری
هانها غئزیل صأحرانگ شیری
اول لیکیسی عؤمری زایا
منگزاب دوران، گونه آیا
آرسلان آرقا، شیر عمادی
اؤچمه ز هرگیز، یانار دورار
یوره ک لرده، یاقان اودی
اول ایکیسی، بیر ـ ده آتا
هایب گیتدیلر، بولدی خاطا
اول یالدئراب دوران جلیل
ائنسانئنگ پاک لیگنه دلیل
اول گؤرنیان سیید غوجوق
یوره گی آق، گؤونی آچئق
اول ایکیسی عابدالجلیل
یاتدان چئقارماز اولی ایل
اول بیری نینگ آدی هاللی
گینگ صأحرامدا آد بللی
یانئندا ینه بیری بار
تورکمنینگ غوچ اوغلی بیدار
اول ایکی غانا بولاشان،
بیری جللاد النه دوشه ن،
آخوندی لر ایکی دؤغان
اول گورونیأن بأش کؤرپه لر
ایل آرقا داغی آرقالار
اول گؤرونیأن بایرام بی بی
یانئندا کؤپه بالاسی
اشدیلیب دور، توبا تانگری
انأنینگ آهی ـ نالاسی...

دانگ آتار